barcaza

O BNG de Vila de Cruces e o BNG de Santiso, xunto coa Asociación de Afectadas e Afectados polo Encoro de Portodemouros, convocan unha manifestación o domingo 21 de decembro, ás 11:00 horas, nas ramplas de acceso á barca, a ambos lados do encoro de Portodemouros, Loño (Vila de Cruces) e Beigondo (Santiso).

Os nacionalistas de Santiso, Arzúa e Vila de Cruces esixen que se respete o acordado no contrato con Naturgy e instan á Xunta de Galiza a poñer solucións enriba da mesa que garantan os dereitos dos vecinos de ambas as marxes do encoro e respetando o acordo parlamentar unánime acadado no 2021.

O BNG reclama o mantemento do servizo gratuíto 24h durante todos os días do ano, tal e como recolle a lexislación, así coma a mellora do propio espazo.

O deputado Mini Rivas volverá esixir responsabilidades no Parlamento, e dende o grupo municipal ofrecémonos a participar dunha reunión coa consellería que debe ser solicitada canto antes por parte do goberno municipal.

O BNG de Vila de Cruces esixe responsabilidade á Xunta, empresa concesionaria e goberno de Vila de Cruces sobre o estado do servizo do ferri en Portodemouros.