proxectos

No pleno de xaneiro debatíase sobre os orzamentos. Fiuza e o grupo do BNG botaron en falta destes orzamentos medidas fundamentais, que cubran a demanda da xuventude e os máis maiores, que son os eternos esquecidos dos gobernos que van pasando polo consistorio, tamén medidas para o asentamento poboacional, e que resulten atractivas para achegar empresas que se asenten en Vila de Cruces.

O voceiro do BNG afirma que “estamos totalmente a favor deste tipo de actuacións, mais antes de acometer unha obra que afectará á rúa principal da vila, e como consecuencia ás rúas transversais, débese solucionar a necesidade de espazos de aparcamento, e pulsar a opinión da veciñanza e negocios que se verán afectados, os cales xa nos trasladaron as súas queixas”.