As facturas que reclama o BNG algunhas son de 2021, e outras de 2022, as cales nunca foron a pleno.
A propia concelleira ten recoñecido en pleno non ter coñecemento destas facturas.
O descontrol financeiro do goberno de Vila de Cruces conleva á desconfianza por parte das empresas para poder seguir prestando os seus servizos á entidade municipal.
O concepto de democracia do señor Taboada queda en evidencia coa presentación duns orzamentos sen consensuar coas demais forzas, fora de prazo, e despois de 3 anos con eles prorrogados, estando nun goberno claramente en minoría pola súa falta de palabra, e por interpretar os resultados electorais e democráticos á súa conveniencia.
A situación de oscurantismo na xestión económica de Vila de Cruces, alcanza o seu auxe despois de catro meses sen acceso ás relacións de facturas pagadas por decreto de alcaldía. Máis de 750.000€ de gastos, nas que destacan máis de 50.000€ en pagos a asesores externos e empresas vencelladas aos mesmos.
Este pasado domingo, o alcalde de Vila de Cruces publicou nas redes sociais municipais unha noticia (a través do medio de cabeceira do seu asesor), agradecendo á empresa concesionaria do Encoro de Portodemouros por poñer uns postes de alumeado nos accesos á barcaza, que ao parecer lle pedira el persoalmente. Acompañaba ao texto unha foto do alcalde ao lado dun poste xa colocado.
